1. மஹாலக்ஷ்ம்யஷ்டகம்
2. கனகதா”ராஸ்தோத்ரம்
महालक्ष्म्यष्टकम् ||
மஹாலக்ஷ்ம்யஷ்டகம் ||
नमस्तेऽस्तु महामाये श्रीपीठे सुरपूजिते |
शङ्खचक्र गदाहस्ते महालक्ष्मि नमोऽस्तु ते || 1 ||
நமஸ்தே(அ)ஸ்து மஹாமாயே ஶ்ரீபீடே ஸுரபூஜிதே|
ஶங்க சக்ர க’தா’ ஹஸ்தே மஹாலக்ஷ்மி நமோ(அ)ஸ்துதே || 1 ||
नमस्ते गरुडारूढे कोलासुर भयङ्करि |
सर्वपापहरे देवि महालक्ष्मि नमोऽस्तु ते || 2 ||
நமஸ்தே க’ருடா’ரூடே” கோலாஸுர ப”யங்கரி |
ஸர்வபாப ஹரே தே’வி மஹாலக்ஷ்மி நமோ(அ)ஸ்துதே || 2 ||
सर्वज्ञे सर्ववरदे सर्व दुष्ट भयङ्करि |
सर्वदुःख हरे देवि महालक्ष्मि नमोऽस्तु ते || 3 ||
ஸர்வஞ்ஞே’ ஸர்வவரதே’ ஸர்வது’ஷ்ட ப”யங்கரி |
ஸர்வது’:க ஹரே தே’வி மஹாலக்ஷ்மி நமோ(அ)ஸ்துதே || 3 ||
सिद्धि बुद्धि प्रदे देवि भुक्ति मुक्ति प्रदायिनि |
मन्त्र मूर्ते सदा देवि महालक्ष्मि नमोऽस्तु ते || 4 ||
ஸித்’தி”பு’த்’தி” ப்ரதே’ தே’வி பு”க்தி முக்தி ப்ரதா’யினி|
மந்த்ரமூர்த்தே ஸதா’தே’வி மஹாலக்ஷ்மி நமோ(அ)ஸ்துதே || 4 ||
आद्यन्त रहिते देवि आदिशक्ति महेश्वरि |
योगज्ञे योग सम्भूते महालक्ष्मि नमोऽस्तु ते || 5 ||
ஆத்’யந்த ரஹிதே தே’வி ஆதி’ ஶக்தி மஹேஶ்வரி|
யோகஞ்ஞே’ யோக’ ஸம்பூ”தே மஹாலக்ஷ்மி நமோ(அ)ஸ்துதே || 5 ||
स्थूल सूक्ष्म महारौद्रे महाशक्ति महोदरे |
महा पाप हरे देवि महालक्ष्मि नमोऽस्तु ते || 6 ||
ஸ்தூல ஸூக்ஷ் மமஹா ரௌத்’ரே மஹாஶக்தி மஹோத’ரே|
மஹாபாப ஹரே தே’வி மஹாலக்ஷ்மி நமோ(அ)ஸ்துதே || 6 ||
पद्मासन स्थिते देवि परब्रह्म स्वरूपिणि |
परमेशि जगन्मातः महालक्ष्मि नमोऽस्तु ते || 7 ||
பத்’மாஸந ஸ்திதே தே’வி பரப்’ரஹ்ம ஸ்வரூபிணி|
பரமேஶி ஜக’ன்மாத: மஹாலக்ஷ்மி நமோ(அ)ஸ்துதே || 7 ||
श्वेताम्बरधरे देवि नानालङ्कार भूषिते |
जगस्थिते जगन्मातः महालक्ष्मि नमोऽस्तु ते || 8 ||
ஶ்வேதாம்ப’ரத”ரே தே’வி நானாலங்கார பூ”ஷிதே|
ஜக’ஸ்திதே ஜக’ன்மாத: மஹாலக்ஷ்மி நமோ(அ)ஸ்துதே || 8 ||
महालक्ष्मष्टकं स्तोत्रं यः पठेद् भक्तिमान् नरः |
सर्व सिद्धि मवाप्नोति राज्यं प्राप्नोति सर्वदा ||
மஹாலக்ஷ்ம்யஷ்டகம் ஸ்தோத்ரம் ய:படேத்’ ப”க்திமான் நர:|
ஸர்வஸித்’தி”மவாப்னோதி ராஜ்யம் ப்ராப்னோதி ஸர்வதா’ ||
एककाले पठेन्नित्यं महापाप विनाशनं |
द्विकालं यः पठेन्नित्यं धन धान्य समन्वितः ||
ஏககாலே படேந்நித்யம் மஹாபாப விநாஶனம் |
த்’விகாலம் ய:படேந்நித்யம் த”ன தா”ன்ய ஸமன்வித: ||
त्रिकालं यः पठेन्नित्यं महाशत्रु विनाशनं |
महालक्ष्मी र्भवेन्-नित्यं प्रसन्ना वरदा शुभा ||
த்ரிகாலம் ய:படேந்நித்யம் மஹாஶத்ரு விநாஶனம் |
மஹாலக்ஷ்மீர் ப”வேந்நித்யம் ப்ரஸன்னா வரதா’ ஶுபா” ||
இந்த்’ரக்ருத ஶ்ரீமஹாலக்ஷ்ம்யஷ்டக ஸ்தோத்ரம் ஸம்பூர்ணம் ||
कनकधारास्तोत्रम्॥
கனகதா”ராஸ்தோத்ரம்॥
अङ्गं हरेः पुलकभूषणमाश्रयन्ती
भृङ्गाङ्गनेव मुकुलाभरणं तमालम्।
अङ्गीकृताखिलविभूतिरपाङ्गलीला
माङ्गल्यदास्तु मम मङ्गलदेवतायाः॥1॥
அங்கʼம் ஹரே: புலக-பூ”ஷணமாஶ்ரயந்தீ
ப்”ருʼங்காʼங்கʼனேவ முகுலாப”ரணம் தமாலம்।
அங்கீʼக்ருʼதாகில-விபூ”திரபாங்கʼலீலா
மாங்கʼல்யதாʼஸ்து மம மங்கʼல-தேʼவதாயா:॥1॥
मुग्धा मुहुर्विदधती वदने मुरारेः
प्रेमत्रपाप्रणिहितानि गतागतानि।
मालादृशोर्मधुकरीव महोत्पले या
सा मे श्रियं दिशतु सागरसंभवायाः॥2॥
முக்ʼதா” முஹுர்-விதʼத”தீ வதʼனே முராரே:
ப்ரேமத்ரபா-ப்ரணி-ஹிதானி கʼதாகʼதானி।
மாலாத்ʼருʼஶோர்-மது”கரீவ மஹோத்பலே யா
ஸா மே ஶ்ரியம் திʼஶது ஸாகʼரஸம்ப”வாயா:॥2॥
आमीलिताक्षमधिगम्य मुदा मुकुन्दम्
आनन्दकन्दमनिमेषमनङ्गतन्त्रम्।
आकेकरस्थितकनीनिकपक्ष्मनेत्रं
भूत्यै भवेन्मम भुजंगशयाङ्गनायाः॥3॥
ஆமீலிதாக்ஷமதி”கʼம்ய முதாʼ முகுந்தʼம்
ஆனந்தʼ-கந்தʼமனிமேஷமனங்கʼ-தந்த்ரம்।
ஆகேகரஸ்தித-கனீனிக-பக்ஷ்மநேத்ரம்
பூ”த்யை ப”வேன்மம பு”ஜங்கʼ-ஶயாங்கʼனாயா:॥3॥
बाह्वन्तरे मधुजितः श्रितकौस्तुभे या
हारावलीव हरिनीलमयी विभाति।
कामप्रदा भगवतोऽपि कटाक्षमाला
कल्याणमावहतु मे कमलालयायाः॥4॥
பாʼஹ்வந்தரே மது”ஜித: ஶ்ரிதகௌஸ்துபே” யா
ஹாராவலீவ ஹரிநீலமயீ விபா”தி।
காமப்ரதாʼ ப”கʼவதோ(அ)பி கடாக்ஷமாலா
கல்யாணமாவஹது மே கமலாலயாயா:॥4॥
कालाम्बुदालिललितोरसि कैटभारे:
धाराधरे स्फुरति या तटिदङ्गनेव।
मातुः समस्तजगतां महनीयमूर्ति:
भद्राणि मे दिशतु भार्गवनन्दनायाः॥5॥
காலாம்புʼதாʼலி-லலிதோரஸி கைடபா”ரே:
தா”ராத”ரே ஸ்புரதி யா தடிதʼங்கʼனேவ।
மாது: ஸமஸ்தஜகʼதாம் மஹனீயமூர்தி:
ப”த்ʼராணி மே திʼஶது பா”ர்கʼவ-நந்தʼனாயா:॥5॥
प्राप्तं पदं प्रथमतः खलु यत्प्रभावात्
माङ्गल्यभाजि मधुमाथिनि मन्मथेन।
मय्यापतेत् तदिह मन्थरमीक्षणार्धं
मन्दालसं च मकरालयकन्यकायाः॥6॥
ப்ராப்தம் பதʼம் ப்ரதமத: கலு யத்ப்ரபா”வாத்
மாங்கʼல்யபா”ஜி மது”மாதினி மன்மதேன।
மய்யாபதேத் ததிʼஹ மந்தரமீக்ஷணார்த”ம்
மந்தாʼலஸம் ச மகராலய-கன்யகாயா:॥6॥
विश्वामरेन्द्रपदविभ्रमदानदक्षम्
आनन्दहेतुरधिकं मुरविद्विषोऽपि।
ईषन्निषीदतु मयि क्षणमीक्षणार्धम्
इन्दीवरोदरसहोदरमिन्दिरायाः॥7॥
விஶ்வாமரேந்த்ʼர-பதʼவிப்”ரமதாʼன-தʼக்ஷம்
ஆனந்தʼ-ஹேதுரதி”கம் முரவித்ʼவிஷோ(அ)பி।
ஈஷந்நிஷீதʼது மயி க்ஷணமீக்ஷணார்த”ம்
இந்தீʼவரோதʼர-ஸஹோதʼரமிந்திʼராயா:॥ 7 ॥
दद्याद्दयानुपवनो द्रविणाम्बुधाराम्
अस्मिन्नकिंचनविहंगशिशौ विषण्णे।
दुष्कर्मघर्ममपनीय चिराय दूरं
नारायणप्रणयिनीनयनाम्बुवाहः॥8॥
தʼத்ʼயாத்ʼதʼயானு-பவனோ த்ʼரவிணாம்புʼதா”ராம்
அஸ்மின் அகிஞ்சன-விஹங்கʼஶிஶௌ விஷண்ணே।
துʼஷ்கர்ம-க”ர்மமபனீய சிராய தூʼரம்
நாராயண-ப்ரணயினீ-நயனாம்புʼவாஹ:॥8॥
इष्टाविशिष्टमतयोऽपि यया दयार्द्र-
दृष्ट्या त्रिविष्टपपदं सुलभं लभन्ते।
दृष्टिः प्रहृष्टकमलोदरदीप्तिरिष्टां
पुष्टिं कृषीष्ट मम पुष्करविष्टरायाः॥9॥
இஷ்டா-விஶிஷ்டமதயோ(அ)பி யயா தʼயார்த்ʼர-
த்ʼருʼஷ்ட்யா த்ரிவிஷ்டபபதʼம் ஸுலப”ம் லப”ந்தே।
த்ʼருʼஷ்டி: ப்ரஹ்ருʼஷ்ட-கமலோதʼர-தீʼப்திரிஷ்டாம்
புஷ்டிம் க்ருʼஷீஷ்ட மம புஷ்கர-விஷ்டராயா:॥9॥
गीर्देवतेति गरुडध्वजसुन्दरीति
शाकंभरीति शशिशेखरवल्लभेति।
सृष्टिस्थितिप्रलयकेलिषु संस्थितायै
तस्यै नमस्त्रिभुवनैकगुरोस्तरुण्यै॥10॥
கீʼர்தேʼவதேதி கʼருடʼத்”வஜ-ஸுந்தʼரீதி
ஶாகம்ப”ரீதி ஶஶிஶேகர-வல்லபே”தி।
ஸ்ருʼஷ்டி-ஸ்திதி-ப்ரலயகேலிஷு ஸம்ஸ்திதாயை
தஸ்யை நமஸ்-த்ரிபு”வனைக-குʼரோஸ்தருண்யை॥10॥
श्रुत्यै नमोऽस्तु शुभकर्मफलप्रसूत्यै
रत्यै नमोऽस्तु रमणीयगुणार्णवायै।
शक्त्यै नमोऽस्तु शतपत्रनिकेतनायै
पुष्ट्यै नमोऽस्तु पुरुषोत्तमवल्लभायै॥11॥
ஶ்ருத்யை நமோ(அ)ஸ்து ஶுப”கர்மபலப்ரஸூத்யை
ரத்யை நமோ(அ)ஸ்து ரமணீய-குʼணார்ணவாயை।
ஶக்த்யை நமோ(அ)ஸ்து ஶதபத்ர-நிகேதனாயை
புஷ்ட்யை நமோ(அ)ஸ்து புருஷோத்தம-வல்லபா”யை॥11॥
नमोऽस्तु नालीकनिभाननायै
नमोऽस्तु दुग्धोदधिजन्मभूम्यै।
नमोऽस्तु सोमामृतसोदरायै
नमोऽस्तु नारायणवल्लभायै॥12॥
நமோ(அ)ஸ்து நாலீகனிபா”னனாயை
நமோ(அ)ஸ்து துʼக்ʼதோ”தʼதி”-ஜன்மபூ”ம்யை।
நமோ(அ)ஸ்து ஸோமாம்ருʼத-ஸோதʼராயை
நமோ(அ)ஸ்து நாராயண-வல்லபா”யை॥12॥
नमोऽस्तु हेमाम्बुजपीठिकायै
नमोऽस्तु भूमण्डल नायिकायै |
नमोऽस्तु देवादि दयापरायै
नमोऽस्तु शार्ङ्गायुध वल्लभायै ||13 ||
நமோ(அ)ஸ்து ஹேமாம்பு’ஜ-பீடிகாயை
நமோ(அ)ஸ்து பூ”மண்ட’ல நாயிகாயை |
நமோ(அ)ஸ்து தே’வாதி’ த’யாபராயை
நமோ(அ)ஸ்து ஶார்ங்கா’யுத” வல்லபா”யை||13 ||
नमोऽस्तु देव्यै भृगुनन्दनायै
नमोऽस्तु विष्णोरुरसि स्थितायै |
नमोऽस्तु लक्ष्म्यै कमलालयायै
नमोऽस्तु दामोदर वल्लभायै ||14 ||
நமோ(அ)ஸ்து தே’வ்யை ப்”ருʼகு’-நந்த’னாயை
நமோ(அ)ஸ்து விஷ்ணோருரஸி ஸ்திதாயை |
நமோ(அ)ஸ்து லக்ஷ்ம்யை கமலாலயாயை
நமோ(அ)ஸ்து தா’மோத’ர வல்லபா”யை||14 ||
नमोऽस्तु कान्त्यै कमलेक्षणायै
नमोऽस्तु भूत्यै भुवनप्रसूत्यै |
नमोऽस्तु देवादिभिरर्चितायै
नमोऽस्तु नन्दात्मज वल्लभायै ||15 ||
நமோ(அ)ஸ்து காந்த்யை கமலேக்ஷணாயை
நமோ(அ)ஸ்து பூ”த்யை பு”வனப்ரஸூத்யை |
நமோ(அ)ஸ்து தே’வாதி’பி”ரர்சிதாயை
நமோ(அ)ஸ்து நந்தா’த்மஜ வல்லபா”யை||15 ||
संपत्कराणि सकलेन्द्रियनन्दनानि
साम्राज्यदानविभवानि सरोरुहाक्षि।
त्वद्वन्दनानि दुरितोद्धरणोद्यतानि
मामेव मातरनिशं कलयन्तु मान्ये॥16॥
ஸம்பத்கராணி ஸகலேந்த்ʼரிய-நந்தʼனானி
ஸாம்ராஜ்யதாʼன-விப”வானி ஸரோருஹாக்ஷி।
த்வத்ʼவந்தʼனானி துʼரிதோத்’த”ரணோத்ʼயதானி
மாமேவ மாதரநிஶம் கலயந்து மான்யே॥16॥
यत्कटाक्षसमुपासनाविधिः
सेवकस्य सकलार्थसंपदः।
संतनोति वचनाङ्गमानसै:
त्वां मुरारिहृदयेश्वरीं भजे॥17॥
யத்கடாக்ஷ-ஸமுபாஸனா-விதி”:
ஸேவகஸ்ய ஸகலார்த-ஸம்பதʼ:।
ஸந்தனோதி வசனாங்கʼ-மானஸை:
த்வாம் முராரி-ஹ்ருʼதʼயேஶ்வரீம் ப”ஜே॥17॥
सरसिजनिलये सरोजहस्ते
धवलतमांशुकगन्धमाल्यशोभे।
भगवति हरिवल्लभे मनोज्ञे
त्रिभुवनभूतिकरि प्रसीद मह्यम्॥18॥
ஸரஸிஜநிலயே ஸரோஜஹஸ்தே
த”வலதமாம்ஶுக-கʼந்த”மால்ய-ஶோபே”।
ப”கʼவதி ஹரிவல்லபே” மனோஞ்ஞே’
த்ரிபு”வன-பூ”திகரி ப்ரஸீதʼ மஹ்யம்॥18॥
दिग्घस्तिभिः कनककुम्भमुखावसृष्ट-
स्वर्वाहिनीविमलचारुजलप्लुताङ्गीम्।
प्रातर्नमामि जगतां जननीमशेष-
लोकाधिनाथगृहिणीममृताब्धिपुत्रीम्॥19॥
திʼக்’க”ஸ்திபி”: கனககும்ப”-முகாவ-ஸ்ருʼஷ்ட-
ஸ்வர்வாஹினீ-விமலசாரு-ஜலப்லுதாங்கீʼம்।
ப்ராதர்நமாமி ஜகʼதாம் ஜனனீமஶேஷ-
லோகாதி”நாத-க்ʼருʼஹிணீம்-அம்ருʼதாப்ʼதி”-புத்ரீம்॥19॥
कमले कमलाक्षवल्लभे त्वं
करुणापूरतरङ्गितैरपाङ्गैः।
अवलोकय मामकिंचनानां
प्रथमं पात्रमकृत्रिमं दयायाः॥20॥
கமலே கமலாக்ஷ-வல்லபே” த்வம்
கருணாபூர-தரங்கிʼதைரபாங்கைʼ:।
அவலோகய மாமகிஞ்சனானாம்
ப்ரதமம் பாத்ரமக்ருʼத்ரிமம் தʼயாயா:॥20॥
स्तुवन्ति ये स्तुतिभिरमीभिरन्वहं
त्रयीमयीं त्रिभुवनमातरं रमाम्।
गुणाधिका गुरुतरभाग्यभागिनो
भवन्ति ते भुवि बुधभाविताशयाः॥21॥
ஸ்துவந்தி யே ஸ்துதிபி”ரமீபி”ரன்வஹம்
த்ரயீமயீம் த்ரிபு”வன-மாதரம் ரமாம்।
குʼணாதி”கா குʼருதர-பா”க்ʼய-பா”கி’னோ
ப”வந்தி தே பு”வி புʼத”-பா”விதாஶயா:॥21॥
கனகதா”ராஸ்தோத்ரம் ஸம்பூர்ணம்॥
