नवग्रहस्तोत्रम् ॥
நவக்’ரஹஸ்தோத்ரம்॥
जपाकुसुमसंकाशं काश्यपेयं महाद्युतिम् ।
तमोऽरिं सर्वपापघ्नं प्रणतोऽस्मि दिवाकरम् ॥ १॥
ஜபாகுஸும-ஸங்காஶம் காஶ்யபேயம் மஹாத்’யுதிம் ।
தமோ(அ)ரிம் ஸர்வ-பாபக்”னம் ப்ரணதோ(அ)ஸ்மி தி’வாகரம் ॥ 1॥
दधिशङ्खतुषाराभं क्षीरोदार्णवसंभवम् ।
नमामि शशिनं सोमं शम्भोर्मुकुटभूषणम् ॥ २॥
த’தி”ஶங்க-துஷாராப”ம் க்ஷீரோதா’ர்ணவ-ஸம்ப”வம் ।
நமாமி ஶஶினம் ஸோமம் ஶம்போ”ர்-முகுட-பூ”ஷணம் ॥ 2॥
धरणीगर्भसंभूतं विद्युत्कान्तिसमप्रभम् ।
कुमारं शक्तिहस्तं तं मङ्गलं प्रणमाम्यहम् ॥ ३॥
த”ரணீ-க’ர்ப”-ஸம்பூ”தம் வித்’யுத்காந்தி-ஸமப்ரப”ம் ।
குமாரம் ஶக்தி-ஹஸ்தம் தம் மங்க’லம் ப்ரணமாம்யஹம் ॥ 3॥
प्रियङ्गुकलिकाश्यामं रूपेणाप्रतिमं बुधम् ।
सौम्यं सौम्यगुणोपेतं तं बुधं प्रणमाम्यहम् ॥ ४॥
ப்ரியங்கு’கலி-காஶ்யாமம் ரூபேணாப்ரதிமம் பு’த”ம் ।
ஸௌம்யம் ஸௌம்ய-கு’ணோபேதம் தம் பு’த”ம் ப்ரணமாம்யஹம் ॥ 4॥
देवानां च ऋषीणां च गुरुं काञ्चनसंनिभम् ।
बुद्धिभूतं त्रिलोकेशं तं नमामि बृहस्पतिम् ॥ ५॥
தே’வானாம் ச ருʼஷீணாம் ச கு’ரும் காஞ்சன-ஸம்நிப”ம் ।
பு’த்’தி”பூ”தம் த்ரிலோகேஶம் தம் நமாமி ப்’ருʼஹஸ்பதிம் ॥ 5॥
हिमकुन्दमृणालाभं दैत्यानां परमं गुरुम् ।
सर्वशास्त्रप्रवक्तारं भार्गवं प्रणमाम्यहम् ॥ ६॥
ஹிமகுந்த’-ம்ருʼணாலாப”ம் தை’த்யானாம் பரமம் கு’ரும் ।
ஸர்வஶாஸ்த்ர-ப்ரவக்தாரம் பா”ர்க’வம் ப்ரணமாம்யஹம் ॥ 6॥
नीलांजनसमाभासं रविपुत्रं यमाग्रजम् ।
छायामार्तण्डसंभूतं तं नमामि शनैश्चरम् ॥ ७॥
நீலாஞ்ஜன-ஸமாபா”ஸம் ரவிபுத்ரம் யமாக்’ரஜம் ।
சாயாமார்தண்ட’-ஸம்பூ”தம் தம் நமாமி ஶனைஶ்சரம் ॥ 7॥
अर्धकायं महावीर्यं चन्द्रादित्यविमर्दनम् ।
सिंहिकागर्भसंभूतं तं राहुं प्रणमाम्यहम् ॥ ८॥
அர்த”காயம் மஹாவீர்யம் சந்த்’ராதி’த்ய-விமர்த’னம் ।
ஸிம்ஹிகா-க’ர்ப”-ஸம்பூ”தம் தம் ராஹும் ப்ரணமாம்யஹம் ॥ 8॥
पलाशपुष्पसंकाशं तारकाग्रहमस्तकम् ।
रौद्रं रौद्रात्मकं घोरं तं केतुं प्रणमाम्यहम् ॥ ९॥
பலாஶபுஷ்ப-ஸங்காஶம் தாரகா-க்’ரஹமஸ்தகம் ।
ரௌத்’ரம் ரௌத்’ராத்மகம் கோ”ரம் தம் கேதும் ப்ரணமாம்யஹம் ॥ 9॥
इति व्यासमुखोद्गीतं यः पठेत्सुसमाहितः ।
दिवा वा यदि वा रात्रौ विघ्नशान्तिर्भविष्यति ॥ १०॥
இதி வ்யாஸ-முகோத்’கீ’தம் ய: படேத்ஸுஸமாஹித: ।
தி’வா வா யதி’ வா ராத்ரௌ விக்”னஶாந்திர்-ப”விஷ்யதி ॥ 10॥
नरनारीनृपाणां च भवेद्दुःस्वप्ननाशनम् ।
ऐश्वर्यमतुलं तेषामारोग्यं पुष्टिवर्धनम् ॥
நரநாரீ-ந்ருʼபாணாம் ச ப”வேத்’-து’:ஸ்வப்ன-நாஶனம் ।
ஐஶ்வர்யமதுலம் தேஷாம்-ஆரோக்’யம் புஷ்டி-வர்த”னம் ॥
ग्रहनक्षत्रजाः पीडास्तस्कराग्निसमुद्भवाः ।
ताः सर्वाः प्रशमं यान्ति व्यासो ब्रूते न संशयः ॥
க்’ரஹ-நக்ஷத்ரஜா: பீடா’ஸ்-தஸ்கராக்’நி-ஸமுத்’ப”வா: ।
தா: ஸர்வா: ப்ரஶமம் யாந்தி வ்யாஸோ ப்’ரூதே ந ஸம்ஶய: ॥
நவக்’ரஹஸ்தோத்ரம் ஸம்பூர்ணம் ॥
आदित्यहृदयम् ॥
ஆதிʼத்யஹ்ருʼதʼயம் ॥
ततो युद्धपरिश्रान्तं समरे चिन्तया स्थितम् ।
रावणं चाग्रतो दृष्ट्वा युद्धाय समुपस्थितम् ॥ १॥
ததோ யுத்ʼத”-பரிஶ்ராந்தம் ஸமரே சிந்தயா ஸ்திதம் ।
ராவணம் சாக்ʼரதோ த்ʼருʼஷ்ட்வா யுத்ʼதா”ய ஸமுபஸ்திதம் ॥ 1॥
दैवतैश्च समागम्य द्रष्टुमभ्यागतो रणम् ।
उपागम्याब्रवीद्राममगस्त्यो भगवानृषिः ॥ २॥
தைʼவதைஶ்ச ஸமாகʼம்ய த்ʼரஷ்டுமப்”யா-கʼதோ ரணம் ।
உபாகʼம்யாப்ʼரவீத்ʼ-ராமமகʼஸ்த்யோ ப”கʼவான்-ருʼஷி: ॥ 2॥
राम राम महाबाहो शृणु गुह्यं सनातनम् ।
येन सर्वानरीन्वत्स समरे विजयिष्यसि ॥ ३॥
ராம ராம மஹாபாʼஹோ ஶ்ருʼணு குʼஹ்யம் ஸனாதனம் ।
யேன ஸர்வானரீன்வத்ஸ ஸமரே விஜயிஷ்யஸி ॥ 3॥
आदित्यहृदयं पुण्यं सर्वशत्रुविनाशनम् ।
जयावहं जपेन्नित्यमक्षय्यं परमं शिवम् ॥ ४॥
ஆதிʼத்யஹ்ருʼதʼயம் புண்யம் ஸர்வஶத்ரு-விநாஶனம் ।
ஜயாவஹம் ஜபேந்நித்யமக்ஷய்யம் பரமம் ஶிவம் ॥ 4॥
सर्वमङ्गलमाङ्गल्यं सर्वपापप्रणाशनम् ।
चिन्ताशोकप्रशमनं आयुर्वर्धनमुत्तमम् ॥ ५॥
ஸர்வமங்கʼல-மாங்கʼல்யம் ஸர்வபாப-ப்ரணாஶனம் ।
சிந்தாஶோக-ப்ரஶமனம் ஆயுர்-வர்த”னமுத்தமம் ॥ 5॥
रश्मिमन्तं समुद्यन्तं देवासुरनमस्कृतम् ।
पूजयस्व विवस्वन्तं भास्करं भुवनेश्वरम् ॥ ६॥
ரஶ்மிமந்தம் ஸமுத்ʼயந்தம் தேʼவாஸுர-நமஸ்க்ருʼதம் ।
பூஜயஸ்வ விவஸ்வந்தம் பா”ஸ்கரம் பு”வனேஶ்வரம் ॥ 6॥
सर्वदेवात्मको ह्येष तेजस्वी रश्मिभावनः ।
एष देवासुरगणाँल्लोकान् पाति गभस्तिभिः ॥ ७॥
ஸர்வதேʼவாத்மகோ ஹ்யேஷ தேஜஸ்வீ ரஶ்மிபா”வன: ।
ஏஷ தேʼவாஸுர-கʼணாம்ல்லோகான்பாதிகʼப”ஸ்திபி”: ॥ 7॥
एष ब्रह्मा च विष्णुश्च शिवः स्कन्दः प्रजापतिः ।
महेन्द्रो धनदः कालो यमः सोमो ह्यपां पतिः ॥ ८॥
ஏஷ ப்ʼரஹ்மா ச விஷ்ணுஶ்ச ஶிவ: ஸ்கந்தʼ: ப்ரஜாபதி: ।
மஹேந்த்ʼரோ த”னதʼ: காலோ யம: ஸோமோ ஹ்யபாம் பதி: ॥ 8॥
पितरो वसवः साध्या ह्यश्विनौ मरुतो मनुः ।
वायुर्वह्निः प्रजाप्राण: ऋतुकर्ता प्रभाकरः ॥ ९॥
பிதரோ வஸவ: ஸாத்”யா ஹ்யஶ்வினௌ மருதோ மனு: ।
வாயுர்வஹ்னி: ப்ரஜாப்ராண: ருʼதுகர்தா ப்ரபா”கர: ॥ 9॥
आदित्यः सविता सूर्यः खगः पूषा गभस्तिमान् ।
सुवर्णसदृशो भानुर्हिरण्यरेता दिवाकरः ॥ १०॥ or भानुर्विश्वरेता
ஆதிʼத்ய: ஸவிதா ஸூர்ய: ககʼ: பூஷா கʼப”ஸ்திமான் ।
ஸுவர்ண-ஸத்ʼருʼஶோ பா”னுர்-ஹிரண்யரேதா திʼவாகர: ॥ 10॥ or பா”னுர்விஶ்வரேதா
हरिदश्वः सहस्रार्चिः सप्तसप्तिर्मरीचिमान् ।
तिमिरोन्मथनः शम्भुस्त्वष्टा मार्ताण्ड अंशुमान् ॥ ११॥ or मार्तण्ड
ஹரிதʼஶ்வ: ஸஹஸ்ரார்சி: ஸப்தஸப்திர்-மரீசிமான் ।
திமிரோன்மதன: ஶம்பு”ஸ்-த்வஷ்டா மார்தாண்டʼ அம்ஶுமான் ॥ 11॥ or மார்தண்டʼ
हिरण्यगर्भः शिशिरस्तपनो भास्करो रविः ।
अग्निगर्भोऽदितेः पुत्रः शङ्खः शिशिरनाशनः ॥ १२॥
ஹிரண்யகʼர்ப”: ஶிஶிரஸ்-தபனோ பா”ஸ்கரோ ரவி: ।
அக்ʼனிகʼர்போ”(அ)திʼதே: புத்ர: ஶங்க: ஶிஶிர-நாஶன: ॥ 12॥
व्योमनाथस्तमोभेदी ऋग्यजुःसामपारगः ।
घनवृष्टिरपां मित्रो विन्ध्यवीथी प्लवङ्गमः ॥ १३॥
வ்யோமநாதஸ்-தமோபே”தீʼ ருʼக்ʼயஜு:-ஸாமபாரகʼ: ।
க”னவ்ருʼஷ்டிரபாம் மித்ரோ விந்த்”யவீதீ ப்லவங்கʼம: ॥ 13॥
आतपी मण्डली मृत्युः पिङ्गलः सर्वतापनः ।
कविर्विश्वो महातेजाः रक्तः सर्वभवोद्भवः ॥ १४॥
ஆதபீ மண்டʼலீ ம்ருʼத்யு: பிங்கʼல: ஸர்வதாபன: ।
கவிர்விஶ்வோ மஹாதேஜா: ரக்த: ஸர்வ-ப”வோத்ʼப”வ: ॥ 14॥
नक्षत्रग्रहताराणामधिपो विश्वभावनः ।
तेजसामपि तेजस्वी द्वादशात्मन्नमोऽस्तु ते ॥ १५॥
நக்ஷத்ர-க்ʼரஹ-தாராணாமதி”போ விஶ்வபா”வன: ।
தேஜஸாமபி தேஜஸ்வீ த்ʼவாதʼஶாத்மந்-நமோ(அ)ஸ்துதே ॥ 15॥
नमः पूर्वाय गिरये पश्चिमायाद्रये नमः ।
ज्योतिर्गणानां पतये दिनाधिपतये नमः ॥ १६॥
நம: பூர்வாய கிʼரயே பஶ்சிமாயாத்ʼரயே நம: ।
ஜ்யோதிர்-கʼணானாம் பதயே திʼனாதி”பதயே நம: ॥ 16॥
जयाय जयभद्राय हर्यश्वाय नमो नमः ।
नमो नमः सहस्रांशो आदित्याय नमो नमः ॥ १७॥
ஜயாய ஜயப”த்ʼராய ஹர்யஶ்வாய நமோ நம: ।
நமோ நம: ஸஹஸ்ராம்ஶோ ஆதிʼத்யாயநமோ நம: ॥ 17॥
नम उग्राय वीराय सारङ्गाय नमो नमः ।
नमः पद्मप्रबोधाय मार्ताण्डाय नमो नमः ॥ १८॥ or मार्तण्डाय
நம உக்ʼராய வீராய ஸாரங்காʼய நமோ நம: ।
நம: பத்ʼம-ப்ரபோʼதா”ய மார்தாண்டாʼய நமோ நம: ॥ 18॥ or மார்தண்டாʼய
ब्रह्मेशानाच्युतेशाय सूर्यायादित्यवर्चसे ।
भास्वते सर्वभक्षाय रौद्राय वपुषे नमः ॥ १९॥
ப்ʼரஹ்மேஶானாச்யுதேஶாய ஸூர்யாயாதிʼத்ய-வர்சஸே ।
பா”ஸ்வதே ஸர்வப”க்ஷாய ரௌத்ʼராய வபுஷே நம: ॥ 19॥
तमोघ्नाय हिमघ्नाय शत्रुघ्नायामितात्मने ।
कृतघ्नघ्नाय देवाय ज्योतिषां पतये नमः ॥ २०॥
தமோக்”னாய ஹிமக்”னாய ஶத்ருக்”னாயாமிதாத்மனே ।
க்ருʼதக்”னக்”னாய தேʼவாயஜ்யோதிஷாம் பதயே நம: ॥ 20॥
तप्तचामीकराभाय वह्नये विश्वकर्मणे । or हरये विश्वकर्मणे
नमस्तमोऽभिनिघ्नाय रुचये लोकसाक्षिणे ॥ २१॥
தப்தசாமீகராபா”ய வஹ்னயே விஶ்வகர்மணே । or ஹரயே விஶ்வகர்மணே
நமஸ்தமோ(அ)பி”-நிக்”னாயருசயே லோகஸாக்ஷிணே ॥ 21॥
नाशयत्येष वै भूतं तदेव सृजति प्रभुः ।
पायत्येष तपत्येष वर्षत्येष गभस्तिभिः ॥ २२॥
நாஶயத்யேஷ வை பூ”தம் ததேʼவ ஸ்ருʼஜதி ப்ரபு”: ।
பாயத்யேஷ தபத்யேஷ வர்ஷத்யேஷ கʼப”ஸ்திபி”: ॥ 22॥
एष सुप्तेषु जागर्ति भूतेषु परिनिष्ठितः ।
एष एवाग्निहोत्रं च फलं चैवाग्निहोत्रिणाम् ॥ २३॥
ஏஷ ஸுப்தேஷு ஜாகʼர்தி பூ”தேஷு பரிநிஷ்டித: ।
ஏஷ ஏவாக்ʼனிஹோத்ரம் சபலம் சைவாக்ʼனி-ஹோத்ரிணாம் ॥23॥
वेदाश्च क्रतवश्चैव क्रतूनां फलमेव च ।
यानि कृत्यानि लोकेषु सर्व एष रविः प्रभुः ॥ २४॥
வேதாʼஶ்ச க்ரதவஶ்சைவ க்ரதூனாம் பலமேவ ச ।
யானி க்ருʼத்யானி லோகேஷு ஸர்வஏஷரவி: ப்ரபு”: ॥ 24॥
फल श्रुतिः ॥
பல ஶ்ருதி: ॥
एनमापत्सु कृच्छ्रेषु कान्तारेषु भयेषु च ।
कीर्तयन् पुरुषः कश्चिन्नावसीदति राघव ॥ २५॥
ஏனமாபத்ஸு க்ருʼச்ச்ரேஷு காந்தாரேஷு ப”யேஷு ச ।
கீர்தயன் புருஷ: கஶ்சின்னாவஸீதʼதி ராக”வ ॥ 25॥
पूजयस्वैनमेकाग्रो देवदेवं जगत्पतिम् ।
एतत् त्रिगुणितं जप्त्वा युद्धेषु विजयिष्यसि ॥ २६॥
பூஜயஸ்வைனமேகாக்ʼரோ தேʼவதேʼவம் ஜகʼத்பதிம் ।
ஏதத் த்ரிகுʼணிதம் ஜப்த்வாயுத்ʼதே”ஷுவிஜயிஷ்யஸி ॥ 26॥
अस्मिन्क्षणे महाबाहो रावणं त्वं वधिष्यसि ।
एवमुक्त्वा तदाऽगस्त्यो जगाम च यथागतम् ॥ २७॥
அஸ்மின்க்ஷணேமஹாபாʼஹோராவணம் த்வம் வதி”ஷ்யஸி।
ஏவமுக்த்வா ததாʼ(அ)கʼஸ்த்யோ ஜகாʼமசயதாகʼதம் ॥ 27॥
एतच्छ्रुत्वा महातेजा नष्टशोकोऽभवत्तदा ।
धारयामास सुप्रीतो राघवः प्रयतात्मवान् ॥ २८॥
ஏதச்ச்ருத்வா மஹாதேஜா நஷ்டஶோகோ(அ)ப”வத்ததாʼ ।
தா”ரயாமாஸ ஸுப்ரீதோ ராக”வ: ப்ரயதாத்மவான் ॥ 28॥
आदित्यं प्रेक्ष्य जप्त्वा तु परं हर्षमवाप्तवान् ।
त्रिराचम्य शुचिर्भूत्वा धनुरादाय वीर्यवान् ॥ २९॥
ஆதிʼத்யம் ப்ரேக்ஷ்ய ஜப்த்வாது பரம் ஹர்ஷமவாப்தவான் ।
த்ரிராசம்ய ஶுசிர்பூ”த்வா த”னுராதாʼய வீர்யவான் ॥ 29॥
रावणं प्रेक्ष्य हृष्टात्मा युद्धाय समुपागमत् ।
सर्व यत्नेन महता वधे तस्य धृतोऽभवत् ॥ ३०॥
ராவணம் ப்ரேக்ஷ்ய ஹ்ருʼஷ்டாத்மாயுத்ʼதா”யஸமுபாகʼமத் ।
ஸர்வ யத்னேன மஹதா வதே” தஸ்ய த்”ருʼதோ(அ)ப”வத் ॥ 30॥
अथ रविरवदन्निरीक्ष्य रामं
मुदितमनाः परमं प्रहृष्यमाणः ।
निशिचरपतिसङ्क्षयं विदित्वा
सुरगणमध्यगतो वचस्त्वरेति ॥ ३१॥
அத ரவிரவதʼந்-நிரீக்ஷ்ய ராமம்
முதிʼதமனா: பரமம் ப்ரஹ்ருʼஷ்யமாண: ।
நிஶிசரபதி-ஸங்க்ஷயம் விதிʼத்வா
ஸுரகʼண-மத்”யகʼதோ வசஸ்த்வரேதி ॥ 31॥
ஆதிʼத்யஹ்ருʼதʼயம் ஸம்பூர்ணம்॥
